Podcastit

Kun på grønlandsk

Aallakaatitassiat Inuunerup imarpalaarneranik taaguutillit KNR radio suleqatigalugu suliarineqarput. Aallakaatitassiami inuunermi atukkat, nalornisoorfiit, assoroorfiit, ineriartorfiillu assigiinngitsut inunni assigiinngitsuni qanoq qaangerneqartarneri sammineqartassapput. Inuit angusaqarluarsimasut, ilaatigut amerlasuunit nalunnginneqarluartut, angusaat immikkut pivallaanngikkaluarlugit anguniagaqarnerminnili inuttut sorsutassarisimasaat, inuttut pilliutigisarsimasaat aammalu periarfissat ujartortarsimasaat tusarfigisassavagut, kiisalu ilaatigut artorsarfimmi qanoq iliortarsimaneri paasisaqarfigisassallugit.

Inuunerup imarpalaarnera 1

Kulturilerisoq, nipilersortartoq, qilaatersortartoq, inuunermini allannguisimasoq, kingullertigulli aamma inuit attaveqaataat aqqutigalugit suli inuiaqatigiinni paqumigineqarsinnaasunik ammasumik eqqartuisartoq misigisutsit anersaakkullu inuuneqarneq inuttullu ineriartorneq pillugu oqaluttuartinneqarpoq.

00:00 / 48:41

00:00 / 01:04

Inuunerup imarpalaarnera 2

Kulturit inuillu assigiinngisitaartut naapinneranni susoqarsinnaasarpa?
Paatsooqatigiittarnerit qanoq pitsaasumik qaangerniarneqarsinnaappat?
Allat iliuuseqarnissaat utaqqinngikkaluarlugu uanga nammineerlunga qanoq iliuuseqarsinnaavunga?

Tamakkuupput Malene Jensenip, namminersortup, aqutsinermik sulisoqarnermillu ukiorpassuarni suliaqarsimasup 61-inik ukiullip aallakaatitassiami tikitassai.

00:00 / 47:36

00:00 / 01:04

Inuunerup imarpalaarnera 3

Anton Møller Petersen inersimasunngoreernermini qanoq ililluni timersorneq inuunerminut ilaatilersimaneraa pillugu paasisaqarfigissavarput, ileqqut peqqinnanngitsut soorlu pujortartarneq allallu qanoq peqqinnartunik taarsersimanerai, taamatullu timersortarnerminut kajumissuseq qanoq attatiinnarniarsarisarneraa paasisaqarfigissallugu.

00:00 / 41:53

00:00 / 01:04

Inuunerup imarpalaarnera 4

Inuusuttoq namminersortoq, timersornermik inunnut ataasiakkaanut sungiusaasartoq, inuttut ineriartornermi pikkorissaasartoq namminerlu timip tarnillu peqqissuutinnissaanik aamma aallutalik Laali Berthelsen. Taassuma inuunermi, pingaartumik meeraanermini aqqusaartakkat nalaattarsimasallu imaannaanngissinnaasut eqqartuiffigissavai taakkualu qanoq anigorniartarsimanerlugit aammali ullumikkut killiffimmini qanoq nukinngortittarnerlugit oqaluttuarissallugit.

00:00 / 43:04

00:00 / 01:04

Inuunerup imarpalaarnera 5

SULI AALLAKAATINNEQANNGILAQ

00:00 / 42:47

00:00 / 01:04

Inuunerup imarpalaarnera 6

SULI AALLAKAATINNEQANNGILAQ

00:00 / 01:04